تجربتي مع عملية نحت عضلات البطن Six pack عند الدكتور ايلكير مناف باشي

مسا الخير جميعاً

بدي احكيلكون تجربتي مع عملية نحت عضلات البطن يللي عملتا عند الدكتور ايلكير بعد ما قرات عنو على مواقع كتيرة و شفت الو فيديوهات كمان يعني باختصار عملت عنو تحري و كانت النتيجة انو المرضى يللي خضعو لعمليات تجميل عندو ممتنين كتير من النتائج و اهم الشي انو صادق بالمعاينة و ما بيغش المريض و بيقلو انو كل المشاكل يللي عندو بتنحل يعني انا مثلاً عندي جرح على طول الحاجب سالت للدكتور اذا بيروح بعملية تجميل و كان الجواب انو بتصغر المسافة لكن الجرح يللي عالطول ما بيروح و نصحني انو ما اعملا مشان ما اتكلف و بالاخير ما ينتج هاد الفرق يللي لا يذكر على قولو.

اما عملية السيكس باك فهي قصة تانية

انا بلعب حديد عاساس يطلعلي عضلات لجسمي و خاصة عند البطن هلأ بعد فترة طويلة من لعب الحديد بلش يطلعلي عضلات بس مو متل ما بدي لهيك سالت رفيقي يللي بالنادي و خبرني انو اسرع طريقة هي عملية نحت عضلات البطن و قال لي دورلك على شي دكتور شاطر خليه يعملك العملية أنا ما كذبت خبر دورت على دكاترة كتير و لقيت انو اكتر دكتور مشهور و معروف بامانتو مع المريض هو الدكتور ايلكير مناف باشي حتى انو عملت بحث بالتركي و لقيت مشاهير اتراك عاملين عمليات عندو اتصلت باخصائية التجميل يللي بتنسق مع الدكتور و كانت كتير متفهمة و متعاونة معي شرحتلي كل شي بدي ياه بالتفصيل و نصحتني اذا عم فكر اعمل عملية شفط دهون لمنطقة الخواصر والضهر اعملا مع عملية شد العضلات لانو حيكون اريح من ناحية الالم و التخدير و ارخص من ناحية التكلفة و هاد يللي عملتو فعلا.

اليوم مضى عالعملية اربع شهور و نص و الحمد لله مرتاح من النتيجة و عم روح عالنادي استعرض عضلاتي قدام رفقاتي و يللي عم يجوا عالنادي جديد عم كش عليهون بالحكي و قلون أنا هون صرلي اربع سنين عم العب لحتى طلعوا هالعضلات و هنن يا حرام عم يصدقوا

يعني نصيحتي الكون يللي عم يعمل رياضة مشان العضلات و خاصة عضلات البطن يريح راسو و يعمل عملية اذا كان معو قرشين حلوين و صلى الله و بارك

إقرأ أيضاً :

تجربتي في نحت الجسم بعملية واحدة لشفط الدهون و شد البطن عند الدكتور اولكر مناف باشي

عملية شد الوجه بالخيوط لدى اشهر طبيب تجميل في تركيا اولكر مناف باشي

تخلصت من الكرش بعملية شفط الدهون مع الدكتور اولكر مناف باشي

تجربتي في نحت الجسم لتصغير الخصر و تكبير الصدر و المؤخرة مع الدكتور اولكر في تركيا

قمت بعملية حقن دهون عند الدكتور اولكر مناف باشي لتجميل التشوه الناتج من الفيلر السابق

تجربة العائلة في عملية تجميل الانف عند الدكتور اولكر مناف باشي

تجربتي مع عملية الحزام Torsoplasty عند الدكتور اولكر مناف باشي

قصتي مع شد الجسم عند الدكتور ايلكر مناف باشي

تجربة شد الرقبة عند الدكتور اولكر مناف باشي

تجربتي مع إعادة الشباب للوجه مع دكتور المشاهير اولكر مناف باشي